“Зошто некои луѓе се исцелуваат, а зошто некои не? Кога мислиш дека верата е нешто што ти треба да го правиш за да заработиш исцелување тогаш не можеш да примиш исцелување по Благодат Божја, но кога верата ја фокусираш на Христос и одмараш врз завршеното дело на Христос на крстот, тогаш исцелувањето преку раните Исусови го искусуваш целосно. Бог обезбеди преку Благодатта, а верата е начин да се прими тоа. Некои луѓе потпирајќи се на своите дела под изговор дека тие се одлика на вера, отпаднаа од Благодатта бидејќи Го погазија Христос и Неговата Света крв и Го похулија Духот на благодатта.”
Ова беше објаснето од Епископ Константин Кајшаров кој даде поука дека секој ден верникот може да прима исцелување (за своите емоции, мисли, физички болки) од Бога. Ова беше тема за ослободување од погрешни верувања која се сподели после излагањето на Пасторите Николче и Јуле Спироски кои истакнаа дека Христос секогаш треба да е приоритет. Славењето беше огнено водено од Светиот Дух и полно со радост. Сите примија благослов и заминаа благословени од денешната Богослужба во нашата Христијанска Црква Блага Вест во Р.М. кадешто духовниот живот се искусува како Живо Христијанство.
