„Сѐ е точно, ми погоди… Вистина е!“
Ова беа зборовите што се слушаа вчера на Богослужбата во Скопје, одржана во Христијанска Црква Блага Вест во РМ, водена од Епископ Константин Кајшаров.
Верниците ставаа во кутија предмети што им доаѓаа први при рака:
прстен, клучеви, телефон, бомбона, пенкало… А потоа… се случуваше нешто неочекувано.
Преку молитва и водство од Светиот Дух, верници изговараа тајни и зборови за луѓе кои дури и не ги познаваа – зборови што носеа охрабрување, насока и потврда за нивниот живот.
Една сестра сведочеше:
„Епископот го држеше мојот прстен во раката и кажа работи за мене кои никогаш не сум ги споделила со никого.“
Гатање? -Не. Видовитост? -Не. Туку слушање во Духот.
Епископ Константин Кајшаров поучуваше како верниците можат да се научат да функционираат во духовната реалност на Божјото Царство – односно во четвртта димензија.
Како радио што се подесува на фреквенција, така и човек може да се подеси на Божјата фреквенција и да го препознае каналот преку кој Светиот Дух зборува.
Богослужбата продолжи со Господовата вечера, славење и благодарност кон Господ Исус Христос – затоа што само Негова е заслугата што сме спасени и живееме во Христовата благодат.
Живо христијанство – Духовност во пракса!
Ако и ти беше таму вчера – напиши во коментар што доживеа.
И ако познаваш некој што треба да го чуе ова… сподели ја објавата.
