Молитвата е алатка преку која може да се изградува лична врска со Бога, а присуството на Бога овозможува целосно трансформирање и исцелување на човекот. Исцелителната служба во Името на Господ Исус Христос, Константин ја нарекува Молитвена Терапија заради практичната примена на молитвата во текот на службата за исцелување. Во оваа служба Константин е вклучен како служител кој ја применува терапијата индивидуално или во група, но и како обучувач на оние верници кои сакаат да служат во исцелителна служба.
Молитвената терапија се одвива преку ракополагање или без физички контакт и се препорачува кај сите видови на потреби, болести, кризи, стрес, но и за надминување на проблеми кои се од областа на натприродното (за разрешување на проклетства, демонски и магиски влијанија). Терапевтскота значење на молитвата е опишано во книгата „Молитвена Терапија“ на авторот Константин Кајшаров кој го споделува своето пасторско искуство поттикнувајќи го читателот кон лична релација со Бога.